Marius Matt Carstens het op ‘n baie vroë ouderdom vir hom ‘n gig basis opgebou wat van hom ‘n onafhanklike en voltydse musikant maak.  Hy het reeds Europa getoer, ‘n collab met Francois van Coke gedoen en die Ini Bos musiekfees kompetisie gewen.  Ons gesels bietjie oor hoe hierdie dinge gebeur het, waar Matt vandaan kom, hoe kleiner dorpies ‘n rol kan speel in ‘n mens se musiek ontwikkelling en meer. Tunes Live is beskikbaar op iTunes en kan vanaf www.tunesstudio.co.za afgelaai word.

Dr Stephanie Vos is die projekleier van IF POP (Interdisciplinary Forum for Popular Music).  IF POP het ‘n reeks van vyf Jazz Conversation konserte aangebied as onder andere ‘n medium om ‘n brug te bou tussen akademiese dissiplines en die publiek se begrip daarvan. Stephanie het B.Mus gestudeer met klavier as hoof instrument en Alt Viool as tweede instrument en haar Honeurs in klavier uitvoering voltooi.  In haar nagraadse studies het sy daarop begin fokus om haarself as ‘n musikoloog te bekwaam.  Sy het haar doktorale tesis voltooi met plaaslike Jazz musikante van die 1960’s in ballingskap, as fokuspunt.  Besoek gerus Africa Open Institute for Music Research and Innovation om meer te wete te kom aangaande IF POP en vele meer.

Churchil Naudé is ‘n rymkletser van Mitchels Plain en sy tweede album, Kroesified is in Januarie 2019 vrygestel.  Ons gesels oor hoe dit gebeur het dat hy musiek van David Kramer, Jean Beukes, Gramadoelas en ander kon gebruik het vir sy album.  Churchil vertel van die oomblik toe die owerhede besef het hy is in die “verkeerde skool”;  hoe sy pad met Riku Lätti gekruis het en hoe hulle te werk gaan om saam musiek te skryf.  Hy praat ook oor die inhoud van sy woorde en waar die inspirasie vir sommige van sy temas vandaan kom.  Kroesified is beskikbaar op meeste aanlyn platvorms soos Google play, Spottify, iTunes ens. Tunes Live kan vanaf www.tunesstudio.co.za afgelaai word en is ook beskikbaar op iTunes.